ខណៈកូរ៉េទាំងពីរពិភាក្សាត្រូវរ៉ូវគ្នា «អាមេរិកឯណោះវិញ កំពុងបញ្ជូននាវាដឹកយន្តហោះចម្បាំង មកកាន់ឧបទ្វីបកូរ៉េ...»
ខណៈកូរ៉េទាំងពីរពិភាក្សាត្រូវរ៉ូវគ្នា «អាមេរិកឯណោះវិញ កំពុងបញ្ជូននាវាដឹកយន្តហោះចម្បាំង មកកាន់ឧបទ្វីបកូរ៉េ...»
នាវាដឹកយន្តហោះចម្បាំង USS Carl Vinson របស់អាមេរិក កំពុងធ្វើដំណើរឆ្ពោះទៅកាន់ភាគខាងលិចមហាសមុទ្រប៉ាស៊ីហ្វិក ដោយអមជាមួយនិងនាវាចម្បាំងបំពាក់ដោយមីស៊ីលប្រដេញប៉ុន្មានគ្រឿងទៀត ខណៈអ្នកតំណាងមកពីទីក្រុងព្យុងយ៉ាង និងទីក្រុងសេអ៊ូល បើកកិច្ចពិភាក្សាជាលើកដំបូង នៅព្រំដែនអន្តរកូរ៉េ។
នេះបើតាមការដកស្រង់ការផ្សាយចេញពីពី សារព័ត៌មានរុស្ស៊ី Sputnik នៅរសៀលថ្ងៃអង្គារ ទី០៩ ខែមករា ឆ្នាំ២០១៨មសេចក្តីថ្លែងការណ៍របស់កងទ័ពជើងទឹកអាមេរិក នាវាយោធាដែលដើរដោយថាមពលនុយក្លេអ៊ែរនេះ បានចេញដំណើរពីកំពង់ផែនៃក្រុង សេន ឌីអេហ្គោ (San Diego) កាលពីសប្តាហ៍មុន សម្រាប់ការចល័តដែលត្រូវបានគ្រោងទុក តាំងពីយូរមកហើយ។
ស្របពេលជាមួយគ្នា នាថ្ងៃអង្គារនេះ កូរ៉េខាងជើងបានបញ្ជូនក្រុមមន្រ្តីតំណាងជាន់ខ្ពស់របស់ខ្លួន ទៅកាន់កូរ៉េខាងត្បូង ដើម្បីជួបចរចាគ្នាជាលើកដំបូង បន្ទាប់ពីកិច្ចសន្ទនាបែបនេះរវាងប្រទេសទាំងពីរ ត្រូវបានផ្អាកអស់រយៈពេលជិត ០២ឆ្នាំ មកហើយជម្រាបថា នាវាដឹកយន្តហោះចម្បាំងខាងលើត្រូវគេរំពឹងថា នឹងទៅដល់ក្បែរតំបន់ឧបទ្វីបកូរ៉េ នាដើមខែកុម្ភៈខាងមុខ ពោលគឺនៅចំពេលដែលព្រឹត្តិការណ៍កីឡាអូឡាំពិក Pyeongchang ឆ្នាំ២០១៨ ប្រព្រឹត្តទៅនៅលើទឹកដីកូរ៉េខាងត្បូង។ ម៉្យាងវិញទៀត ក្នុងឱកាសនៃកិច្ចចរចានេះ ភាគីកូរ៉េខាងជើង ក៏បានបញ្ជាក់ផងដែរថា ខ្លួននឹងបញ្ជូនគណៈប្រតិភូជាន់ខ្ពស់ ព្រមទាំងអត្តពលិកឲ្យទៅចូលរួមការប្រកួតកីឡាអន្តរជាតិនេះ៕
Comments
Post a Comment